സ്ക്കൂട്ടറില് കാറിടിച്ച് നഴ്സ് മരിച്ചു -
10•DEC•2021
നരിക്കുനി : മഞ്ഞപ്പാലം കൊട്ടാരമുക്കില് കാര് സ്ക്കൂട്ടറിലിടിച്ച് തെറിച്ച് വീണ വീട്ടമ്മ ലോറി കയറി തല്ക്ഷണം മരിച്ചു. നരിക്കുനി കാരുകുളങ്ങര താഴെകരുവന് പൊയില് സത്യൻ്റെ ഭാര്യ ബിനിലയാണ് (41) മരിച്ചത്.ഇടിച്ച കാര് നിര്ത്താതെ പോയി. വെ ളളിയാഴ്ച വൈകീട്ട് നാലരയോടെയാണ് സംഭവം.
കൂട്ടാലിടയിലെ സ്വന്തം വീട്ടില് പോയി മടങ്ങുന്നതിനിടെയാണ് അപകടം. മൂന്നു വാഹനങ്ങളും ബാലുശ്ശേരി ഭാഗത്തേക്ക് വരികയായിരുന്നു. കാര് സ്ക്കൂട്ടറിലിടിക്കുകയും , നിയന്ത്രണം വിട്ട സ്ക്കൂട്ടറില് നിന്നും ബിനില ലോറിക്കുള്ളിലേക്ക് വീഴുകയുമായിരുന്നു., തലക്ക് ഗുരുതരായി പരുക്കേറ്റ ബിനിലയെ ആദ്യം ബാലുശ്ശേരി താലൂക്ക് ആശുപത്രിയിലേക്കെത്തിച്ചുവെങ്കിലും മരണം സംഭവിച്ചിരുന്നു. മൃതദേഹം കോഴിക്കോട് മെഡിക്കല് കോളജ് ആശുപത്രിയിലേക്ക് മാറ്റി. നിര്ത്താതെ പോയ കാറിനെ ക്കുറിച്ചുള്ള അന്വേഷണം നടത്തി വരികയാണെന്ന് പൊലീസ് അറിയിച്ചു ,നരിക്കുനി ഓപ്പൺ ക്ലിനിക്കിലെ നഴ്സായി ജോലി ചെയ്യുകയായിരുന്നു ബിനില ,മക്കൾ: അഥിൻജിത്ത് (പ്ലസ് വൺ വിദ്യാർത്ഥി ,നരിക്കുനി ഗവ: ഹയർ സെക്കണ്ടറി സ്ക്കൂൾ ) ,അമർജിത്ത് (ആറാം ക്ലാസ് വിദ്യാർത്ഥി ,എളേറ്റിൽ വട്ടോളി ഗവ: യു പി സ്ക്കൂൾ) ,കൂട്ടാലിട കോണിപ്പുറത്ത് ചാലിൽ ദാമോധരൻ നായരുടെയും ,ദേവകി അമ്മയുടെയും മകളാണ് ,സഹോദരങ്ങൾ - ബിന്ദു ,രജിത ,ധനിലാൽ ,
0 അഭിപ്രായങ്ങള്