ജനപങ്കാളിത്തം കൊണ്ട് ശ്രദ്ധേയമാകുന്ന നരിക്കുനി ഫെസ്റ്റ്
നരിക്കുനി: ജനങ്ങളുടെ ഉത്സവമാക്കിയെടുത്ത നരിക്കുനി ഫെസ്റ്റ് ആറാം ദിനം ജനപങ്കാളിത്തത്തോടുകൂടി മുന്നേറുന്നു ആഘോഷത്തിന് ഓരോ ദിനം പിന്നിടുമ്പോഴും വിജയഗാഥ രചിച്ചുകൊണ്ടാണ് നരിക്കുനി ഫെസ്റ്റ് മുന്നേറുന്നത്...ആറാം ദിനത്തിലെ സാംസ്കാരിക സദസ്സ് ബാലാമണി ടീച്ചർ, ഷൈജ,ബിന്ദു എന്നിവരുടെ പ്രാർത്ഥനയോടെ ആരംഭിച്ചു വളണ്ടിയർ കമ്മിറ്റി കൺവീനർ മുഹസിൻ.പി.പി സ്വാഗതം പറഞ്ഞു യോഗത്തിൽ അധ്യക്ഷത ചന്ദ്രൻ.കെ( ചെയർമാൻ വളണ്ടിയർ കമ്മിറ്റി,മെമ്പർ)നിർവഹിച്ചു സാംസ്കാരിക സദസ്സ് ഉദ്ഘാടനം സർജാസ് കുനിയിൽ (ആരോഗ്യ സ്റ്റാൻഡ് കമ്മിറ്റി ചെയർമാൻ ചേളന്നൂർ ബ്ലോക്ക് പഞ്ചായത്ത് ) ജനങ്ങളിലൂടെ ചെയ്തു മുഖ്യഅതിഥി യശോദ ടീച്ചർ (പ്രസിഡണ്ടു വനിതാ സഹകരണ സംഘം) പഞ്ചായത്ത് പ്രസിഡണ്ട് സി കെ സലിം, സ്വാഗതസംഘം ട്രഷറർ ടി രാജു,സ്വാഗതസംഘം ജന:കൺവീനർ പി ശശീന്ദ്രൻ മാസ്റ്റർ എന്നിവർ സന്നിഹിതരായി ചടങ്ങിന് ശ്രീജിത്ത് പി എം നന്ദി പ്രകാശിപ്പിച്ചു. തുടർന്നു കലാമണ്ഡലം പ്രഭാകരൻ പുന്നശ്ശേരിയും സംഘവും അവതരിപ്പിച്ച ഓട്ടൻതുള്ളൽ അരങ്ങേറി തുടർന്നുള്ള ദിവസങ്ങളിലായി സുരഭി ലക്ഷ്മിയും വിനോദ് കോവൂരും അവതരിപ്പിക്കുന്ന സ്റ്റേജ് ഷോ, ചലച്ചിത്ര പിന്നണി ഗായിക ദുർഗ വിശ്വനാഥിന്റെയും കലാഭവൻ പ്രദീഷിന്റെയും ഗാനമേള, നാടൻ പാട്ടുകൾ, കണ്ണൂർ ഷരീഫിന്റെ ഗാനമേള, കലാമണ്ഡലം സത്യവ്രതന്റെ ഡാൻസ് ഫ്യൂഷൻ, മാജിക് ഷോ കരോക്കെ ഗാനമേള മാർഗംകളി, ഗ്രൂപ്പ് ഡാൻസ് ചവിട്ട് നാടകം, ചാക്യാർകൂത്ത് തുടങ്ങിയ വിവിധതരങ്ങളും വ്യത്യസ്തങ്ങളുമായ കലാസാംസ്കാരിക പരിപാടികളും ഉണ്ടായിരിക്കും.
നൃത്തനൃത്യങ്ങൾ, ഒപ്പന, കരാട്ടെ പ്രദർശനം, കളരിപ്പയറ്റ്, മറ്റ് പ്രാദേശിക കലാപരിപാടികൾ എന്നിവ അവതരിപ്പിക്കും. കുട്ടികൾക്കും മുതിർന്നവർക്കും ഒരേ പോലെ ആകർഷകമായ യന്ത്ര ഊഞ്ഞാൽ ആകാശത്തോണി ഡ്രാഗൺ ട്രെയിൻ, ജമ്പിങ് മാട്രസ്, ചിൽഡ്രൻസ് ബലൂൺ, സെൽഫി കോർണർ, ഫ്ലവർ ഷോ, പെറ്റ് ഷോ, ചിൽഡ്രൻസ് പാർക്ക്, വിവിധ റൈഡുകൾ എന്നിവ ഉണ്ടാകും. വിപുലമായ അക്വേറിയവും കാണികൾക്കായി ഒരുങ്ങി
വാണിജ്യപ്രദർശനങ്ങളും പവലിയനിൽ ഉണ്ടാകും. പരിപാടിയുടെ വിജയിപ്പിക്കുന്നതിന്
ഗ്രാമപഞ്ചായത്തിന്റെ നേതൃത്വത്തിൽ ജനകീയ പങ്കാളിത്തത്തോടെ നടത്തുന്ന നരിക്കുനി ഫെസ്റ്റ് വ്യാപാര മേഖലക്കും പുത്തനുണർവേകി.
ഫെബ്രുവരി 22ന് സമാപിക്കും.
0 അഭിപ്രായങ്ങള്