രണ്ട് ദിവസത്തെ കേരള സന്ദര്ശനം: പ്രധാനമന്ത്രി മോദി കൊച്ചിയിലെത്തി
▂▂▂▂▂▂▂▂▂▂▂▂▂▂▂▂
രണ്ടുദിവസത്തെ കേരളസന്ദര്ശനത്തിനായി പ്രധാനമന്ത്രി നരേന്ദ്രമോദി കൊച്ചിയിലെത്തി. നാവികസേന വിമാനത്താവളത്തില് പ്രത്യേക വിമാനത്തിലാണ് അദ്ദേഹം എത്തിയത്. നാവികസേനാ വിമാനത്താവളത്തില്നിന്ന് തേവര സേക്രഡ്ഹാര്ട്ട് കോളേജിലേക്ക് അദ്ദേഹം പോയി. പെരുമാന്നൂര് ജങ്ഷന്മുതല് തേവര കോളേജുവരെ റോഡ്ഷോയായാണ് യാത്ര. കോളേജ് ഗ്രൗണ്ടിലാണ് യുവം-23 പരിപാടി.
രാത്രി താജ് മലബാറില് താമസിക്കുന്ന മോദി അവിടെ ക്രൈസ്തവ മതമേലധ്യക്ഷന്മാരും പ്രമുഖ വ്യക്തികളുമായി കൂടിക്കാഴ്ച നടത്തും. ചൊവ്വാഴ്ച രാവിലെ തിരുവനന്തപുരത്തേക്ക് പോകും. 10.30-ന് സെന്ട്രല് റെയില്വേ സ്റ്റേഷനില് വന്ദേഭാരത് തീവണ്ടി ഫ്ളാഗ്ഓഫ് ചെയ്യും. 11 -ന് സെന്ട്രല് സ്റ്റേഡിയത്തില് കൊച്ചി വാട്ടര്മെട്രോ അടക്കം 3200 കോടിയുടെ വികസനപദ്ധതികളുടെ സമര്പ്പണവും ശിലാസ്ഥാപനവും നിര്വഹിക്കും.
12 -ന് ദാദ്രനഗര്ഹവേലിയിലേക്ക് പോകും.
0 അഭിപ്രായങ്ങള്