രാഹുല് ഗാന്ധി ഡല്ഹിയിലെ ഔദ്യോഗിക വസതി ഒഴിഞ്ഞു :-
▂▂▂▂▂▂▂▂▂▂▂▂▂▂▂▂
കോണ്ഗ്രസ് നേതാവ് രാഹുല് ഗാന്ധി ഡല്ഹിയിലെ ഔദ്യോഗിക വസതി ഒഴിഞ്ഞു. 19 വര്ഷമായി താമസിക്കുന്ന 12 തുഗ്ലക് ലൈനിലെ വസതിയാണ് രാഹുല് ഒഴിഞ്ഞത്.
എം പി സ്ഥാനത്ത് നിന്ന് അയോഗ്യനാക്കിയ കോടതി നടപടിക്ക് പിന്നാലെയുള്ള വീടൊഴിയല് അന്ത്യന്തം വൈകാരികമായിരുന്നു.
2004ല് ആദ്യമായി എംപിയായതു മുതല് രാഹുല് ഗാന്ധി താമസിക്കുന്നത് തുഗ്ലക് ലൈനിലെ പന്ത്രണ്ടാം നമ്പര് വസതിയിലാണ്. സത്യം പറയുന്നത് ഈ കാലത്ത് തെറ്റാണെന്നും സത്യം പറഞ്ഞതിനുള്ള വിലയാണ് ഈ വീടൊഴിയല് എന്നും രാഹുല് ഗാന്ധി പറഞ്ഞു. ഈ വീട് ഇന്ത്യയിലെ ജനങ്ങള് നല്കിയതാണ്. അത് തിരിച്ചെടുത്തു. അപേക്ഷ നല്കി ഇവിടെ തുടരാന് ആഗ്രഹിക്കുന്നില്ലെന്നും ഉന്നയിച്ച വിഷയങ്ങള് ഇനിയും ഉന്നയിക്കുമെന്നും അദ്ദേഹം കൂട്ടിച്ചേര്ത്തു. ജനങ്ങളോട് നന്ദിയെന്ന് രാഹുല് പറഞ്ഞു.
സോണിയ ഗാന്ധിയുടെ 10 ജന്പഥിലേക്കാണു രാഹുല് താല്ക്കാലികമായി മാറുന്നത്. അയോഗ്യനായ സാഹചര്യത്തില് വസതി ഇന്നോടെ ഒഴിയണം എന്നായിരുന്നു ലോക്സഭാ സെക്രട്ടറിയേറ്റിന്റെ നിര്ദ്ദേശം. മാര്ച്ച് 23 നാണ് രാഹുല് ഗാന്ധിയെ ലോക്സഭാംഗത്വത്തില് നിന്ന് അയോഗ്യനാക്കിയത്. ഒരു മാസത്തിനുള്ളില് വീടൊഴിയണമെന്നാണ് നിര്ദ്ദേശിച്ചിരിക്കുന്നത്.
മോദി പരാമര്ശവുമായി ബന്ധപ്പെട്ട് പാറ്റ്ന കോടതി അയച്ച സമന്സ് റദ്ദാക്കണമെന്ന് ആവശ്യപ്പെട്ട് രാഹുല് ബീഹാര് ഹൈക്കോടതിയെ സമീപിച്ചിട്ടുണ്ട്.
0 അഭിപ്രായങ്ങള്