നരിക്കുനിയിൽ വനിത എസ്ഐക്കും, പോലീസുകാർക്കും നേരെ കയ്യേറ്റം നടത്തിയ 4 പ്രതികൾ പിടിയിൽ:-

 നരിക്കുനി: - നരിക്കുനിയിൽ വാഹന പരിശോധനയ്ക്കിടെ വനിതാ എസ്ഐക്കും പോലീസുകാർക്കും എതിരെ കയ്യേറ്റം. ഞായറാഴ്ച സന്ധ്യാ സമയത്ത്  നരിക്കുനി പള്ളിയാറക്കോട്ടക്ക് സമീപമാണ് സംഭവം. കാക്കൂർ പോലീസ് സ്റ്റേഷനിലെ പോലീസുകാർക്ക് നേരെയാണ് കയ്യേറ്റം ഉണ്ടായത്. സംശയാസ്പദമായി 

 കണ്ട വാഹനം പരിശോധിക്കുന്നതിനിടെയാണ് സംഭവം. 

 വനിത എസ് ഐ ജിഷ്മ, എ എസ് ഐ ദിനേശൻ, സിവിൽ പോലീസ് ഓഫീസർ രജീഷ് എന്നിവരാണ് ആക്രമണത്തിന് ഇരയായത്. വാഹന പരിശോധനയ്ക്കിടെ പോലീസിനോട് നടത്തിയ തർക്കമാണ് കയ്യേറ്റത്തിൽ കലാശിച്ചത്. 

വാഹനത്തിൽ ഉണ്ടായിരുന്നവർ വനിതാ എസ്ഐയെയും സംഘത്തെയും കയ്യേറ്റം ചെയ്യുകയായിരുന്നുവെന്ന് പോലീസ് പറയുന്നു. നാലു പേരെ പോലീസ് പിടികൂടിയിട്ടുണ്ട്.പ്രതികളായ കുന്നമംഗലം വണ്ണംപറമ്പത്ത് ബാബുരാജ് (60), കുറ്റിക്കാട്ടൂർ വെള്ളിപറമ്പ് തച്ചോറക്കൽ കെ.പി. പ്രശാന്ത് (42), വെള്ളിപറമ്പ് ആറാം മൈൽ പുൽപറമ്പിൽ ഷനൂപ് (42), നെല്ലിക്കോട് സൈബർ പാർക്കിനു സമീപം വരയിലാട്ട് മീത്തൽ പി.സി.രാജേഷ് (48) എന്നിവരാണ് പിടിയിലായത്. പരിക്കേറ്റ പോലീസുകാർ താമരശ്ശേരി താലൂക്ക് ആശുപത്രിയിൽ ചികിത്സ തേടി.