ഷഹബാസിന്റെ മരണം; പ്രതികളുടെ വീട്ടിൽ പൊലീസ് റെയ്ഡിൽ മർദിക്കാൻ ഉപയോഗിച്ച ആയുധങ്ങൾ കണ്ടെടുത്തു:-
02.03.2025
എളേറ്റിൽ വട്ടോളി :-താമരശ്ശേരിയിൽ കൊല്ലപ്പെട്ട പത്താം കാസ് വിദ്യാര്ത്ഥിയായ ഷഹബാസിനെ മർദിക്കാൻ ഉപയോഗിച്ച നഞ്ചക്ക് പൊലീസ് കണ്ടെടുത്തു. പ്രതികളുടെ വീട്ടിൽ നടത്തിയ റെയ്ഡിലാണ് ഷഹബാസിനെ അടിക്കാൻ ഉപയോഗിച്ച ആയുധം ലഭിച്ചത്. പ്രധാന പ്രതിയുടെ വീട്ടിൽ നിന്നാണ് ആയുധം കിട്ടിയത്. പ്രധാന പ്രതിയുടെ വീട്ടിൽ ആദ്യം ആളുണ്ടായിരുന്നില്ല. പിന്നീട് വീട്ടുകാരെ വിളിച്ച് വരുത്തിയാണ് റെയ്ഡ് നടത്തിയത്. ഡിജിറ്റൽ തെളിവുകളായ മൊബൈൽ ഫോൺ, ലാപ് ടോപ് ,മറ്റ് രേഖകൾ എന്നിവയും പിടിച്ചെടുത്തു.
റിമാന്റിലായ അഞ്ച് വിദ്യാര്ത്ഥികളുടേയും വീട്ടില് ഒരേ സമയമാണ് പൊലീസ് പരിശോധന നടത്തിയത്. ഒബ്സര്വേഷന് ഹോമില് റിമാന്റില് കഴിയുന്ന അഞ്ച് പ്രതികളേയും എസ് എസ് എല് സി പരീക്ഷ എഴുതിക്കാമെന്നാണ് തീരുമാനം. എന്നാൽ ഇത് സ്കൂളിൽ വെച്ച് വേണോ എന്നതിൽ തീരുമാനമായിട്ടില്ല. കുട്ടികളെ സ്കൂളിലെത്തിച്ച് പരീക്ഷ എഴുതിച്ചാല് നാട്ടുകാരുടെയും ,വിദ്യാർത്ഥികളുടെയും പ്രതിഷേധമുയരാന് സാധ്യതയുണ്ടെന്ന കാര്യം പോലീസ് വിദ്യാഭ്യാസ വകുപ്പിനെയും അറിയിച്ചിട്ടുണ്ട്. രക്ഷിതാക്കളുടെ അഭ്യര്ത്ഥന പ്രകാരം ജുവൈനല് ജസ്റ്റിസ് ബോര്ഡാണ് ഇവര്ക്ക് പരീക്ഷ എഴുതാനുള്ള അനുമതി നല്കിയത്.
0 അഭിപ്രായങ്ങള്