പുണ്യമാസത്തെ വരവേൽക്കാൻ വിശ്വാസലോകം: വടേക്കണ്ടിത്താഴം ജുമാ മസ്ജിദിൽ ശുചീകരണപ്രവർത്തനത്തിൽ. :-
നരിക്കുനി: -
ആത്മീയതയുടെയും, പ്രാർത്ഥനയുടെയും വസന്തകാലമായ വിശുദ്ധ റമദാൻ മാസത്തെ വരവേൽക്കാൻ വിശ്വാസികളും പള്ളികളും ഒരുങ്ങിക്കഴിഞ്ഞു. ഹൃദയവും ശരീരവും ശുദ്ധീകരിച്ച് പുണ്യമാസത്തെ എതിരേൽക്കുന്നതിന്റെ ഭാഗമായി നാടെങ്ങും സജീവമായ ഒരുക്കങ്ങളാണ് നടക്കുന്നത്.
ഇതിന്റെ ഭാഗമായി വടേക്കണ്ടിത്താഴം ജുമാ മസ്ജിദിൽ വിപുലമായ ശുചീകരണ പ്രവർത്തനങ്ങൾ നടന്നു. പള്ളിയും പരിസരവും വിശ്വാസികൾ ഒത്തുചേർന്ന് വൃത്തിയാക്കി. പ്രാർത്ഥനയ്ക്കായി എത്തുന്നവർക്ക് സൗകര്യപ്രദമായ രീതിയിൽ പള്ളിയകവും ,വുദു എടുക്കുന്ന സ്ഥലവും മുറ്റവുമെല്ലാം ശുദ്ധീകരിച്ചു.
ശുചിത്വം വിശ്വാസത്തിന്റെ പകുതി എന്ന ഇസ്ലാമിക തത്വം ഉയർത്തിപ്പിടിച്ചാണ് ഓരോ റമദാനിലും ഇത്തരത്തിലുള്ള കൂട്ടായ പ്രവർത്തനങ്ങൾ നടക്കാറുള്ളത്. കേവലം കെട്ടിടം വൃത്തിയാക്കൽ മാത്രമല്ല, ഈ ഒത്തുചേരലുകളിലൂടെ വിശ്വാസികൾക്കിടയിലുള്ള സ്നേഹവും, ഐക്യവും പുതുക്കപ്പെടുകയും ചെയ്യുന്നു. വരും ദിവസങ്ങളിൽ കൂടുതൽ പള്ളികളിൽ ഇത്തരം ഒരുക്കങ്ങൾ പൂർത്തിയാകുന്നതോടെ ഗ്രാമങ്ങൾ പൂർണ്ണമായും റമദാൻ ലഹരിയിലാകും.
0 അഭിപ്രായങ്ങള്