വിദ്യാര്ഥികളുടെ യാത്ര നിരക്കില് മാറ്റമില്ലെന്നും എല്ലാ സ്വകാര്യ ബസുകളിലും 2020 ജൂലൈയില് പുറപ്പെടുവിച്ച ഉത്തരവില് പറയുന്ന പ്രകാരമുള്ള കണ്സഷന് അനുവദിക്കണമെന്നും ഗതാഗതമന്ത്രിയുടെ നിര്ദേശം.
*തിരുവനന്തപുരം:* വിദ്യാര്ഥികളുടെ യാത്ര നിരക്കില് മാറ്റമില്ലെന്നും എല്ലാ സ്വകാര്യ ബസുകളിലും 2020 ജൂലൈയില് പുറപ്പെടുവിച്ച ഉത്തരവില് പറയുന്ന പ്രകാരമുള്ള കണ്സഷന് അനുവദിക്കണമെന്നും ഗതാഗതമന്ത്രിയുടെ നിര്ദേശം. ജൂലൈയിലെ ഉത്തരവനുസരിച്ച് 2.5 കിലോമീറ്ററിന് ഒരു രൂപയും 7.5 കി. മീ വരെ രണ്ടു രൂപയും 12.5 കീ. മീ വരെ മൂന്നു രൂപയുമാണ് നിരക്ക്.
സര്ക്കാര് തുറന്നുപ്രവര്ത്തിക്കാന് അനുവദിച്ച 10, 12, ഡിഗ്രി അവസാന വര്ഷം, പോസ്റ്റ് ഗ്രാജ്വേറ്റ്, പ്രഫഷനല് കോളജ്, സാങ്കേതിക പരിശീലന വിഭാഗം വിദ്യാര്ഥികള്ക്കാണ് ഇപ്പോള് കണ്സഷന് ടിക്കറ്റ് ലഭിക്കുന്നത്. വിദ്യാര്ഥികള് അവരുടെ വിദ്യാലയങ്ങള് നല്കുന്ന ഐ.ഡി കൈവശം സൂക്ഷിക്കണം. സ്വകാര്യ ബസുകള് വിദ്യാര്ഥികള്ക്ക് കണ്സഷന് ടിക്കറ്റ് നിഷേധിക്കുന്നതായി വിവിധയിടങ്ങളില്നിന്ന് കഴിഞ്ഞ ദിവസം തന്നെ പരാതികള് ഉയര്ന്നത് സര്ക്കാറിെന്റ ശ്രദ്ധയില്പെട്ടിരുന്നു. തിങ്കളാഴ്ച മുതല് വിദ്യാര്ഥികള്ക്ക് അര്ഹതപ്പെട്ട കണ്സഷന് ടിക്കറ്റ് ലഭിക്കുന്നെന്ന് ഉറപ്പുവരുത്താന് വേണ്ട നടപടി സ്വീകരിക്കാന് ഗതാഗത കമീഷണര്ക്ക് മന്ത്രി നിര്ദേശം നല്കി.
0 അഭിപ്രായങ്ങള്