ഇടിച്ചിട്ട് നിർത്താതെ പോയ കാർ ഡ്രൈവറെ പിടികൂടി, കേരള പോലീസിന് ഒരു ബിഗ് സല്യൂട്ട് കൂടി ,
22.01.2021
*കാക്കൂർ:* തിങ്കളാഴ്ച രാത്രി പാവണ്ടൂരിൽ ബൈക്ക് യാത്രികനെ ഇടിച്ച് നിർത്താതെ പോയ കാർ ഡ്രൈവറെ കാക്കൂർ പൊലീസ് സ്റ്റേഷൻ ഓഫിസർ ബി.കെ. സിജുവിൻെറ നേതൃത്വത്തിലുള്ള അന്വേഷണ സംഘം പിടികൂടി. ഈന്താട് പനോളി ഇർഫാൻ ഷായാണ് (19) പിടിയിലായത്. ഇർഫാൻ ഷാ കുടുംബ സമേതം കാറിൽ ചീക്കിലോട് നിന്ന് വീട്ടിലേക്ക് വരുമ്പോൾ കാക്കൂരിൽനിന്നും ബൈക്കിൽ വരുകയായിരുന്ന കൊളത്തൂർ സ്വദേശിയായ മേലേ എറശ്ശേരി അരുണിനെ (26) ഇടിക്കുകയായിരുന്നു. നാട്ടുകാരാണ് അരുണിനെ ആശുപത്രിയിലെത്തിച്ചത്. ചൊവ്വാഴ്ച രാത്രി അരുൺ മരിച്ചു. അന്വേഷണത്തിൻെറ ഭാഗമായി സി.സി ടി.വി ദൃശ്യങ്ങൾ പരിശോധിച്ചെങ്കിലും ഒന്നും കണ്ടെത്താനായില്ല. അപകടസ്ഥലത്തുനിന്ന് കിട്ടിയ കാറിൻെറ റിയർവ്യൂ മിററിൻെറയും, വീൽ കപ്പിൻെറയും അവശിഷ്ടങ്ങൾ ഉപയോഗിച്ച് നടത്തിയ ശാസ്ത്രീയ അന്വേഷണമാണ് കാർ കണ്ടെത്താനും ഡ്രൈവറെ പിടികൂടാനും സഹായിച്ചത്. കാർ വീടിൻെറ ഷട്ടർ ഇട്ട പോർച്ചിനകത്ത് ഒളിപ്പിച്ച നിലയിലായിരുന്നു.എന്നിട്ടും പോലീസ് അന്വേഷിച്ച് പിടികൂടിയ സംഭവത്തിൽ പോലീസിന് അഭിനന്ദനങ്ങളുടെ പ്രവാഹമാണ് ,
0 അഭിപ്രായങ്ങള്