പനയിൽ കുടുങ്ങിയ വെട്ടുകാരനെ അഗ്നി രക്ഷാ സേനയെത്തി രക്ഷപ്പെടുത്തി

 

പനയിൽ കുടുങ്ങിയ വെട്ടുകാരനെ അഗ്നി രക്ഷാ സേനയെത്തി രക്ഷപ്പെടുത്തി

രക്ത സമ്മർദത്തെ തുടർന്ന് പനക്ക് മുകളിൽ കുടുങ്ങിയ വെട്ടുകാരനെ രക്ഷപ്പെടുത്തി താഴെയിറക്കി. കഴിഞ്ഞ ദിവസം ഉച്ചയോടെ നന്മണ്ട പതിനാലിൽ ഉടമൻ കണ്ടി കേളപ്പൻ നായരുടെ പറമ്പിൽ പന മുറിക്കുന്നതിനിടയിലാണ് സംഭവം. വെട്ടുകാരൻ സേഫ്റ്റി ബാന്റ് ധരിച്ചതിനാൽ അപകടം ഒഴിവാകുകയായിരുന്നു.

ഉടൻ തന്നെ നരിക്കുനിയിൽ നിന്നെത്തിയ അഗ്നി രക്ഷാ സേന പനയുടെ മുകളിൽ നിന്നും ഇയാളെ വലയിലാക്കി താഴെ ഇറക്കുകയായിരുന്നു. തുടർന്ന് ബാലുശ്ശേരി മുക്കിലെ സ്വകാര്യ ആശുപത്രിയിൽ ഇവരെ പ്രവേശിപ്പിച്ചു.

സ്റ്റേഷൻ ഓഫീസർ റോബി വർഗ്ഗീസ്, അസി. ഓഫീസർ പി .ഒ.വർഗ്ഗീസ്, സേനാംഗങ്ങളായ സത്യൻ.പി.കെ, അബ്ദുൾ ജലീൽ, ദീപക് ലാൽ, എം.സി.മനോജ്, വിജീഷ് .എ, സുജിത്കുമാർ.കെ., വി.കെ. പ്രകാശൻ, വി.സി.പ്രിയദർശൻ എന്നിവരും സംഘത്തോടൊപ്പമുണ്ടായിരുന്നു.