നരിക്കുനി ആൾ താമസമില്ലാത്ത വീട്ടിൽ നിന്നും 17കിലോ 400 ഗ്രാം കഞ്ചാവ് കണ്ടെടുത്തു :-

 26-05-2021                                            


നരിക്കുനി :- മടവൂർ  പുത്തലത്ത് ആൾ താമസമില്ലാത്ത വീട്ടിൽ നിന്നും  17കിലോ 400 ഗ്രാം കഞ്ചാവ് കൊടുവള്ളി പോലീസ് കണ്ടെടുത്തു , മടവൂർ മുക്ക് റോഡിലെ ആൾ താമസമില്ലാത്ത വീട്ടിൽ നിന്നുമാണ് ഇത്രയേറെ കഞ്ചാവ് കണ്ടെടുത്തത്. നഗരത്തിൽ താമസിക്കുന്ന വീട്ടുടമസ്ഥൻ പറമ്പിൽ ജോലി എടുക്കാൻ വന്നപ്പോഴാണ് വീടിൻ്റെ ചായ്പ്പിൽ ഒരു ചാക്ക് കെട്ടിവെച്ച നിലയിൽ കണ്ടത്. ഗൃഹനാഥൻ ഉടനെ റൂറൽ എസ്.പി. ഡോ: ശ്രീനിവാസനെ വിവരമറിയിക്കുകയും, അദ്ദേഹത്തിൻ്റെ നിർദേശാനുസരണം ഉച്ചയ്ക്ക് രണ്ടരയോടെ കൊടുവള്ളി പൊലിസ് ഇൻസ്പെക്ടർ ടി. ദാമോദരൻ്റെ നേതൃത്വത്തിൽ സ്ഥലത്തെത്തി ചാക്ക് പരിശോധിക്കുകയുമായിരുന്നു. എട്ട് പാക്കറ്റുകളിലാക്കി സൂക്ഷിച്ച നിലയിലായിരുന്നു കഞ്ചാവ് , എസ്ഐമാരായ എൻ. 

ദിജേഷ്, എം.എ. രഘുനാഥ് എ.എസ്.ഐ.ടി.

സജീവ്, സീനിയർ സിവിൽ പൊലിസ് ഓഫീസർ ടി. അബ്ദുൾ റഷീദ്, സി.പി.ഒ. അജിത്ത് എന്നിവരായിരുന്നു സംഘത്തിലുണ്ടായിരുന്നത്. പ്രതികൾക്കായി അന്വേഷണം ഊർജിതമാക്കിയതായി സി.ഐ. അറിയിച്ചു.