22.5.2021
[[പ്രകൃതിയെ ജീവനുതുല്യം സ്നേഹിച്ച വൃക്ഷങ്ങളുടെ കൂട്ടുകാരന് -സുന്ദര്ലാല് ബഹുഗുണയുടെ ഓാര്മ്മകള്ക്ക് പ്രണാമമര്പ്പിച്ചുകൊണ്ട് ,ആ സ്മരണയ്കുവേണ്ടി ``മനുഷ്യക്കിണര് '' എന്ന ഈ കവിത സമര്പ്പിക്കുന്നു ]]
മനുഷ്യക്കിണര്
=====
രചന-
ലോഹിതാക്ഷന് പുന്നശ്ശേരി (9947595696)
മരുഭൂവില് ഒരു മരതകവാടം,
മനുഷ്യക്കിണറൊന്നുണ്ടുപോല് !/
മനോജ്ഞസുതലം തേടി ഞങ്ങള് ,നിരാശരായി മടങ്ങുമ്പോള്
അകലെക്കണ്ടു മരതകരത്നം ഒരുതരി മണ്ണില് വീണതുപോലെ !/
വഴിക്കു കൂട്ടായൊരുവനെ നേടി,വിജനം വീഥിയില് മണിദീപം !/
മണല്പ്പരപ്പാം തിരകള് മുന്നില് ,
മുകളില് തീയായ് കതിരോനും !/
കഠിനതപെരുകിയ വഴികളിലൂടെ
കരളിലെ മോഹത്തിരകളിലൊഴുകി/
പച്ചില കൊണ്ടൊരു കൂടാരം,സ്വച്ഛത തന്നുടെ കേദാരം!/
കിണറില്ല,വിടെ ജലമില്ലെന്നാല്
ഹരിതം സുരഭിലമാര്ന്ന തടം/
പാഴ്കഥപോലെ പറഞ്ഞു പാന്ഥന്,കേള്ക്കാനിമ്പം ഞങ്ങള്ക്കും ;
കിണറില്ലാത്തൊരു കിണറില്നിന്നും
കോരിയകഥയില് ഉള്ള് നടുങ്ങി !/
ഒരുനാളവിടം ജനനിബിഡം,തണ്ണീര്ക്കുടമായൊരു കിണറും !/
വഴിവെട്ടീ,അവര് കുഴികുത്തീ, കുന്നില് പലപല കുടില് കെട്ടി /
ആള്മറയില്ലാകിണറാണെങ്കിലുമാളുകള് തണ്ണീര് തേടിവരും/
ഒരുനാള് കിണറ് തകര്ന്നു പോല് ! പലരും കിണറില് വീണുപോല് !/
രക്ഷയ്കൊരു കയര് താഴ്തി പോല്;
പലതുയിര്,ഒരുകയര്,എന്ത്ഫലം ?/
തിക്കുതിരക്കൊഴിവാക്കാനാമോ യുക്തിയൊരുത്തന് കല്പിച്ചു --
``ജാതിമതങ്ങള് തിരിച്ചെഴുതാം,ജാതിക്കൊട്ടകള് താഴ്തീടാം ''/
ജാതിയറിഞ്ഞവര് കൊട്ടയിലേറി,
ജാതകദോഷം വന്നവര് നീറി !/
കയറായ് രക്ഷകരെത്താത്തവരുടെ,
കള്ളി തിരിക്കാനാവാത്തവരുടെ
കഥയാ കിണ് വിഴുങ്ങി പോല് !!/
കരയരുതിനിയും കഥ തുടരാം ;
``ജാമജ''രങ്ങനെ കരപറ്റി !
``മാനുഷ''രങ്ങനെ കിണര് പറ്റി!
``പുതുഫലിതങ്ങള്'' തീര്ക്കണമല്ലോ
പലകാലങ്ങള് ചിരിക്കണമല്ലോ !!/
------------
അവരുടെ ചുട്ട കിനാക്കള് പൊങ്ങി,
മേഘക്കെട്ട് പതഞ്ഞൊഴുകി ;/
കുന്നും കിണറും കുന്നായ്മകളും ഒന്നായന്ന്
നിരപ്പായി !/
കാലമരിച്ചുനടന്നൂ വീണ്ടും,
കിണര്വട്ടത്തില് മണ്ണിടറി;
ഉയിര്പൊട്ടി,പുതുമുളപൊട്ടി !!/
ആയിരമടിയില്നിന്നുമുണര്ന്നു ,
മൂടുപടങ്ങള് പൊഴിച്ചുമുണര്ന്നു !
അതിരുതിരിക്കാത്തുണര്-
--------------------------------------
വായി ;
ഹരിതമനോഹരവനമായി !/
ഉടല്,മന,മുള്ളൊരു ജീവിക്കെല്ലാം
പൂ,തേന്,കനി തന് തണലായി ;
``മാമരമാനുഷസൗഹൃദം''
------------------------------
ഇങ്ങനെ മന്നിലെ
ശാശ്വതദാഹത്തേനാം
`മനുഷ്യക്കിണ'റെന്നറിയുന്നു !/
``പുതുചരിതങ്ങള്''
തീര്ക്കണമല്ലോ;
പലകാലങ്ങള്
ജയിക്കണമല്ലോ !!
--------
[[ജാമജര്--മനുഷ്യത്തിന്റെ മുന്നിലും ജാതിമതചിന്തകളില് വിട്ടുവീഴ്ചയില്ലാത്തവര്]]
0 അഭിപ്രായങ്ങള്