പുന്നശ്ശേരി കിണറ്റിൽ നിന്ന് നിലയ്ക്കാത്ത ശബ്ദം; നാട്ടുകാർ ആശങ്കയിൽ :-
30.11.2021-
നരിക്കുനി: കിണറ്റില്നിന്നുള്ള നിലയ്ക്കാത്ത ശബ്ദം വീട്ടുകാരെയും നാട്ടുകാരെയും ആശങ്കയിലാഴ്ത്തുന്നു.
ചേളന്നൂര് ബ്ലോക്ക് പഞ്ചായത്ത് അംഗം പുന്നശ്ശേരി വേലന്കണ്ടി മോഹനെന്റ തറവാട് വീട്ടിലെ കിണറില്നിന്നാണ് തിങ്കളാഴ്ച രാവിലെ മുതല് ശബ്ദം കേള്ക്കാന് തുടങ്ങിയത്.
പശുവിന് വെള്ളം കൊടുക്കാന് മോഹനെന്റ സഹോദരന് എത്തിയപ്പോഴാണ് ശബ്ദം കേട്ടുതുടങ്ങിയത്. 18 കോല് ആഴമുള്ള കിണറിലേക്ക് നോക്കിയപ്പോള് ഒന്നും തന്നെ ശ്രദ്ധയില്പെട്ടതുമില്ല.
ഉടനെ പരിസരവാസികളെ വിളിച്ച് വെള്ളം ഒലിച്ചിറങ്ങുന്ന ശബ്ദമാണ് കേള്ക്കുന്നതെങ്കിലും കിണറ്റിലെ വെള്ളത്തിന് ഒരു ചലനവുമില്ല എന്നതാണ് നാട്ടുകാരെ ആശങ്കയിലാഴ്ത്തുന്നത്.
കാക്കൂര് ഗ്രാമപഞ്ചായത്ത് പ്രസിഡന്റ് സി.എം. ഷാജിയും ,ഉദ്യോഗസ്ഥരും കിണര് സന്ദര്ശിച്ചു. ജിയോളജി വകുപ്പുമായി ബന്ധപ്പെട്ടിട്ടുണ്ട്. പുന്നശ്ശേരി ഗ്രാമത്തിലെ അത്ഭുതക്കിണര് കാണാന് പരിസര പ്രദേശത്തുനിന്ന് ജനം എത്തുകയാണ്.
0 അഭിപ്രായങ്ങള്