കുട്ടി കർഷകനെ ആദരിച്ച് സഹപാഠികൾ
മടവൂർ :ഗ്രാമപഞ്ചായത്തിലെ മികച്ച വിദ്യാർത്ഥി കർഷകനായി തെരെഞ്ഞടുക്കപ്പെട്ട ആദി ഫർഹാനെ
സഹപാഠികൾ ആദരിച്ചു.
ചക്കാലക്കൽ
പിലാത്തോട്ടത്തിൽ നാസറിൻ്റെ മകൻ ആണ് ആദി ഫർഹാൻ .ചക്കാലക്കൽ ഹയർ സെക്കണ്ടറി സ്കൂൾ
വിദ്യാരംഗം കലാസാഹിത്യവേദിയുടെ നേതൃത്വത്തിൽ സഹപാഠികൾ ആദരിച്ചത് .
വ്യത്യസ്ത ഇനങ്ങളിൽപ്പെട്ട നാൽപതോളം
ആടുകളാണ് വീടിനോട് ചേർന്ന ഫാമിൽ വളർത്തുന്നത്.
ജമുനാപ്യാരി, ഹൈദരബാദി, ബാർബറി, ഹൻസ, മലബാരി തുടങ്ങിയ ഇനങ്ങളോടൊപ്പം നാടൻ ആടുകളും വ്യത്യസ്ത ഇനം കോഴികൾ പൂച്ചകൾ, മീനുകൾ എന്നിവയും വീട്ടിൽ വളർത്തുന്നു.
വിവിധയിനം പച്ചക്കറികൾ, കുരുമുളക്, പപ്പായ തുടങ്ങിയ കൃഷികളും പുരയിടത്തിൽ സജീവമാണ്.
നന്നേ ചെറുപ്പത്തിലേ വളർത്തുമൃഗങ്ങളോടുള്ള ചങ്ങാത്തമാണ് ഈ മേഖലയിൽ സജീവമാൻ പ്രേരണയായതെന്ന് രക്ഷിതാക്കൾ ചൂണ്ടിക്കാട്ടി.
തനിക്ക് സഹപാഠികളും അധ്യാപകരും നൽകിയ ഈ ആദരവ് ഏറെ സന്തോഷം നൽകുന്നുവെന്ന് ആദിൽ ഫർഹാൻ അഭിപ്രായപ്പെട്ടു.
വിദ്യാരംഗം പ്രതിനിധികളായ ഷാഹിൻ, നുഹഫാത്തിമ, നിഹല ഫജ്രി, അഫീഫ എന്നിവരാണ് വീട്ടിലെത്തി ആദരിച്ചത്.
ചിങ്ങം ഒന്ന് കർഷക ദിനത്തിൽ മടവൂർ ഗ്രാമപഞ്ചായത്ത് പ്രസിഡൻറ് രാഘവൻ അടുക്കത്ത് ഉപഹാരം നൽകി.
ഫോട്ടോ :-മടവൂർ ഗ്രാമ പഞ്ചായത്തിലെ മികച്ച വിദ്യാർത്ഥി കർഷകനായി തെരഞെടുക്കപ്പെട്ട ചക്കാലക്കൽ എച്ച് എസ് എസ് വിദ്യാർത്ഥി ആദി ഫർഹാനെ സഹപാഠികൾ ആദരിക്കുന്നു
0 അഭിപ്രായങ്ങള്