ഓണ്ലൈന് ചൂതാട്ടം നിരോധിക്കുന്ന നിയമം തമിഴ്നാട് നിയമസഭ പാസാക്കി
▂▂▂▂▂▂▂▂▂▂▂▂▂▂▂▂
ചൂതാട്ട സ്വഭാവമുള്ള എല്ലാ ഓണ്ലൈന് ഗെയിമുകളും തമിഴ്നാട്ടില് നിയമ വിരുദ്ധമായി. ഓണ്ലൈന് ചൂതാട്ട നിരോധന ബില് തമിഴ്നാട് നിയമസഭ പാസാക്കി.
ഓണ്ലൈന് റമ്മിയടക്കം ചൂതാട്ടങ്ങളുടെ പരസ്യവും പ്രചാരണവും നിയമവിരുദ്ധമാക്കി. ചൂതാട്ടം നടത്തുന്നവര്ക്കും കളിക്കുന്നവര്ക്കും മൂന്ന് വര്ഷം വരെ തടവുശിക്ഷ ലഭിക്കും. ബാങ്കുകളും ധനകാര്യ സ്ഥാപനങ്ങളും ഇത്തരം ഗെയിമിംഗ് സൈറ്റുകളിലേക്കും ആപ്പുകളിലേക്കും പണം കൈമാറരുതെന്നും നിയമം വ്യക്തമാക്കുന്നു്.
ഓണ്ലൈന് റമ്മിയടക്കം ചൂതാട്ടങ്ങള്ക്ക് അടിമകളായി ഇരുപതിലേറെപ്പേര് തമിഴ്നാട്ടില് ജീവനൊടുക്കിയ സാഹചര്യത്തിലാണ് സര്ക്കാര് ഓണ്ലൈന് ചൂതാട്ട ഓഡിനന്സ കൊണ്ടുവന്നത്. തുടര്ന്ന് നിരോധനം ഫലപ്രദമായി നടപ്പാക്കുന്നതിനുള്ള നിയമ നിര്മാണവും നടത്തി.
ഓണ്ലൈന് ഗെയിംമിംഗ് നിക്ഷേപകരുടെ സംഘടനയായ ഇ-ഗെയിമിംഗ് ഫെഡറേഷന് നിയമത്തെ കോടതിയില് ചോദ്യം ചെയ്യുമെന്ന് പ്രഖ്യാപിച്ചിട്ടുണ്ട്. കഴിവും പ്രാഗത്ഭ്യവും മാനദണ്ഡമായ ഓണ്ലൈന് കളികള് ചൂതാട്ടമായി കണക്കാക്കാനാകില്ലെന്ന് മദ്രാസ് ഹൈക്കോടതിയുടെ വിധിയുണ്ടെന്നാണ് ഇവരുടെ വാദം.
0 അഭിപ്രായങ്ങള്