കാഞ്ഞിക്കാവ് കുഞ്ഞികൃഷ്ണൻ മാസ്റ്റർ അന്തരിച്ചു :-
-ബാലുശ്ശേരി: കോഴിക്കോട് ജില്ല പഞ്ചായത്ത് പ്രഥമ പ്രസിഡന്റും, എൽ.ജെ.ഡി. സംസ്ഥാന കമ്മറ്റി അംഗവും, സീനിയർ സോഷ്യലിസ്റ്റ് നേതാവുമായിരുന്ന കാഞ്ഞിക്കാവ് കുഞ്ഞികൃഷ്ണൻ മാസ്റ്റർ (86)അന്തരിച്ചു.മൊടക്കല്ലൂർ മലബാർ മെഡിക്കൽ സയൻസ് സെൻററിൽ വച്ച് 9/11/22 ന് ഉച്ചയോടെയാണ് അന്ത്യം സംഭവിച്ചത്. ആദ്യത്തെ കോഴിക്കോട് ജില്ലാ കൗൺസിൽ വൈസ് പ്രസിഡന്റ്, ആർ .ടി . ഒ. മെമ്പർ, അധ്യാപക സംഘടനയുടെ മുൻ സംസ്ഥാന ഭാരവാഹി, കെ.പി.ടി യൂണിയൻ ജില്ലാ പ്രസിസന്റ്, അവിഭക്ത ജനതാദൾ ബാലുശ്ശേരി മണ്ഡലം പ്രസിഡന്റ്, ബാലുശ്ശേരി അർബൻ ബാങ്കിന്റെ ദീർഘകാല പ്രസിഡന്റ് എന്നീ ചുമതലകൾ വഹിച്ചിരുന്നു.ദീർഘകാലം നടുവണ്ണൂർ സൗത്ത് എ എം യു പി സ്കൂൾ അധ്യാപകനായി സേവനം ചെയ്തിട്ടുണ്ട്.ഉള്ളിയേരി, കൊയിലാണ്ടി റൂട്ടിൽ പാലോറ സ്റ്റോപ്പിന് അടുത്തായിരുന്നു കുടുംബ സമേതം താമസിച്ചിരുന്നത്.
ഒറവിൽ ബ്ലോക് സമിതി സഹകരണ സംഘത്തിന്റെ സ്ഥാപകനും, ചെയർമാനും, നടുവണ്ണൂർ അഗ്രിക്കൾച്ചറൽ ഡവലപ്മന്റ് ആന്റ് പെൻഷനേഴ്സ് വെൽഫയർ സഹകരണ സംഘത്തിന്റെ ഇപ്പോഴത്തെ പ്രസിഡന്റും ആയ കുഞ്ഞി കൃഷ്ണൻ മാസ്റ്റർ മലബാറിലെ അറിയപ്പെടുന്ന പ്രസംഗികനുമായിരുന്നു. അധ്യാപകൻഎന്ന നിലയിൽ വലിയൊരു ശിക്ഷ്യ സമ്പത്തിന് ഉടമ കൂടിയാണ് കുഞ്ഞി കൃഷ്ണൻ മാസ്റ്റർ. ജീവിതത്തിൻറെ അവസാനഘട്ടം വരെ പൊതു വേദികളിൽ നിറഞ്ഞു നിൽക്കുകയും, പ്രദേശിക വിഷയങ്ങളിൽ സജീവമായി ഇടപെടുകയും ചെയ്തു. ഭാര്യ: എ.കെ. ലീല. മക്കൾ: അനിത, സുനിത, വിനീത, സനിത. മരുമക്കൾ: ഗംഗാധരൻ (വളയം), ടി.യം. രവീന്ദ്രൻ (വില്ല്യാപ്പള്ളി),ശശീന്ദ്രൻ (നന്മണ്ട ), പി.പി. രാജൻ. സഹോദരങ്ങൾ: കാഞ്ഞിക്കാവ് ഭാസ്കരൻ മാസ്റ്റർ, പരേതനായ കെ ഗോവിന്ദൻ ,ശ്രീധരൻ, ഗംഗാധരൻ, ലക്ഷമി. സംസ്കാരം (10-11-2022) വ്യാഴം രാവിലെ 11 മണിക്ക് വീട്ട് വളപ്പിൽ നടക്കും.
0 അഭിപ്രായങ്ങള്