പ്രധാന മന്ത്രിയുമായുള്ള കൂടിക്കാഴ്ച; കൊവിഡ് സാഹചര്യം വിലയിരുത്തിയെന്ന് മുഖ്യമന്ത്രി

 

പ്രധാന മന്ത്രിയുമായുള്ള കൂടിക്കാഴ്ച; കൊവിഡ് സാഹചര്യം വിലയിരുത്തിയെന്ന് മുഖ്യമന്ത്രി

പ്രധാന മന്ത്രിയുമായുള്ള കൂടിക്കാഴ്ച; കൊവിഡ് സാഹചര്യം വിലയിരുത്തിയെന്ന് മുഖ്യമന്ത്രി

▂▂▂▂▂▂▂▂▂▂▂▂▂▂▂▂

പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി മുഖ്യമന്ത്രി പിണറായി വിജയൻ. ന്യൂഡൽഹി സൗത്ത് ബ്ലോക്കിലെ പ്രധാനമന്ത്രിയുടെ ഓഫീസിൽ വെച്ചായിരുന്നു കൂടിക്കാഴ്ച. കോവിഡ് ഭീഷണി ഉയർന്നു വരുന്ന സാഹചര്യത്തിൽ നടത്തേണ്ട മുന്നൊരുക്കങ്ങളെ കുറിച്ച് കൂടിക്കാഴ്ച്ചയിൽ ചർച്ച ചെയ്തതായി മുഖ്യമന്ത്രി അറിയിച്ചു. കോവിഡ് പ്രതിരോധിക്കുന്നതിന് കേരളം നടത്തി വരുന്ന മുന്നൊരുക്കങ്ങളും പരാമർശ വിഷയമായി. 

കേന്ദ്രവും സംസ്ഥാനവും തമ്മിലുള്ള ബന്ധവും ശക്തിപ്പെടുത്തി വിവിധ കേന്ദ്ര-സംസ്ഥാന പദ്ധതികൾ വേഗത്തിൽ പൂർത്തിയാക്കുന്നതിന് പ്രവർത്തനങ്ങൾ ഊർജ്ജിതപ്പെടുത്തും.കേരളത്തിൽ ദേശീയ പാത വികസനത്തിന് സംസ്ഥാന സർക്കാർ നടത്തിവരുന്ന ഇടപെടലുകളും പ്രവർത്തനങ്ങളും മുഖ്യമന്ത്രി പ്രധാനമന്ത്രിയെ അറിയിച്ചു. അതേസമയം ബഫർ സോൺ ചർച്ചയായില്ല.

ജൽ ജീവൻ മിഷനും വിവിധ നാഷണൽ ഹൈവേ പദ്ധതികളും ഇതര പദ്ധതികളും വേഗത്തിൽ പൂർത്തിയാക്കുന്നത് സംബന്ധിച്ചും ചർച്ച ചെയ്തു. മുഖ്യമന്ത്രി പ്രധാനമന്ത്രിയെ പൊന്നാടയണിയിച്ച് പുതുവത്സര ആശംസ അറിയിച്ചു. കഥകളി ശില്പം സമ്മാനമായി നൽകുകയും ചെയ്തു. ചീഫ് സെക്രട്ടറി വി. പി. ജോയിയും കൂടിക്കാഴ്ചയിൽ മുഖ്യമന്ത്രിയോടൊപ്പം പങ്കെടുത്തിരുന്നു