യുവ ഡോക്ടർ മരിച്ച നിലയിൽ സുഹൃത്തിൻ്റെ ഫ്ലാറ്റിൽ കണ്ടെത്തി :-
:
01.03.2023
കോഴിക്കോട് :-യുവ ഡോക്ടറെ മരിച്ച നിലയിൽ സുഹൃത്തിൻ്റെ ഫ്ലാറ്റിൽ കണ്ടെത്തി. കോഴിക്കോട് മലബാർ മെഡിക്കൽ കോളേജിലെ പി.ജി. വിദ്യാർത്ഥിനി വയനാട് കണിയാമ്പറ്റ പള്ളിയാലിൽ പരീതിന്റെ ഭാര്യ ഡോ. തൻസിയ(25)യെയാണ് കോഴിക്കോട് പാലാഴിയിലെ സുഹൃത്തായ ഡോക്ടറുടെ ഫ്ളാറ്റിൽ മരിച്ചനിലയിൽ കണ്ടെത്തിയത്. കോഴിക്കോട് മലബാർ മെഡിക്കൽ കോളജിലെ പി.ജി വിദ്യാർത്ഥിനിയായ യുവ ഡോക്ടർ ( 28/2/23)ഇന്നലെയാണ് ഇവിടെ എത്തിയത്. ഇന്ന് (1/03/23) രാവിലെ വാതിൽ തുറക്കാത്തതിനെ തുടർന്ന് പരിശോധിച്ചപ്പോഴാണ് മുറിക്കുള്ളിൽ മരിച്ച നിലയിൽ കണ്ടെത്തിയത്. ഇവർ അപസ്മാര രോഗത്തിനു മരുന്നു കഴിക്കുന്നുണ്ടായിരുന്നു. അപസ്മാരം കൂടിയതാണ് മരണകാരണമെന്നാണ് പ്രാഥമിക നിഗമനം. അടുത്തിടെയാണ് വിവാഹം കഴിഞ്ഞത്. കൂടുതൽ പരിശോധനക്ക് ശേഷമേ മരണകാരണം വ്യക്തമാകൂവെന്നും പോലീസ് പ്രതികരിച്ചു. പരാതിയൊന്നും ലഭിച്ചിട്ടില്ലെന്നും പോസ്റ്റ്മോർട്ടം റിപ്പോർട്ടിനായി കാത്തിരിക്കുകയാണെന്നും പോലീസ് പറഞ്ഞു. .
0 അഭിപ്രായങ്ങള്