ബദ്രിയ്യ നെടിയനാട്
പുതിയ ക്യാമ്പസ് നാടിന് സമർപ്പിച്ചു
നരിക്കുനി: നാലു പതിറ്റാണ്ടിലേറെ കാലം മർഹൂം സി അബ്ദുറഹ്മാൻ മുസ്ലിയാർ ദർസ് നടത്തിയ നെടിയനാട് പ്രദേശത്ത് മഹാനവർകളുടെ നാമദേയത്തിൽ വളർന്ന് പന്തലിച്ച ബദ്രിയ്യയുടെ പുതിയ ക്യാമ്പസിന്റെ ഉത്ഘാടനം ഇന്ത്യൻ ഗ്രാൻഡ് മുഫ്തി സുൽത്താനുൽ ഉലമ കാന്തപുരം എ പി അബൂബക്കർ മുസ്ലിയാർ നിർവഹിച്ചു.
നിലവിൽ നൂറ്റി ഇരുപതിൽ പരം മുതഅല്ലിമീങ്ങൾ പഠിക്കുന്ന ദർസ്, ഹയർ സെക്കണ്ടറി മദ്റസ, യൂത്ത് സ്കൂൾ, ഗേൾസ് മോഡൽ അക്കാദമി, തുടങ്ങി വിദ്യാഭാസ സഃരംഭങ്ങളും നിരവധി സാന്ത്വന സേവന പ്രവത്തനങ്ങളും നടന്നു കൊണ്ടിരിക്കുന്ന സ്ഥാപനത്തിൽ വിപുലമായ സൗകര്യങ്ങളുടെ അടിയന്തിര ആവശ്യം പരിഗണിച്ചു കൊണ്ടാണ് അത്തിക്കോട് പള്ളിയുടെ പരിസരത്ത് പുതിയൊരു ക്യാമ്പസ് കൂടി ആരംഭിച്ചത്.
ഉത്ഘാടന പരിപാടിയിൽ കേരള ഹജ്ജ് കമ്മിറ്റി ചെയർമാനും ബദ്രിയ്യ പ്രസിഡന്റുമായ സി മുഹമ്മദ് ഫൈസി അധ്യക്ഷത വഹിച്ചു. ടി കെ അബ്ദുറഹ്മാൻ ബാഖവി, , കെ ആലിക്കുട്ടി ഫൈസി, സി എം മുഹമ്മദ് അബൂബക്കർ സഖാഫി, വാരാമ്പറ്റ മുഹിയുദ്ധീൻ മുസ്ലിയാർ ടി എ മുഹമ്മദ് അഹ്സനി, ടി കെ മുഹമ്മദ് ദാരിമി, പി വി അഹ്മദ് കബീർ എളേറ്റിൽ, സി കെ ഫാറൂഖ് സഖാഫി, ജൗഹർ പൂമംഗലം,സികെ സലിം, ടി രാജു, മൊയ്ദി നെരോത്ത്, ചന്ദ്രൻ, അബ്ദുൽ മജീദ്,കെ മുഹമ്മദ് ഹാജി, കെ ബീരാൻ കോയ മാസ്റ്റർ ഫസൽ സഖാഫി നരിക്കുനി തുടങ്ങി സാദാത്തുക്കൾ പണ്ഡിതർ നേതാക്കൾ സംബന്ധിച്ചു.
അധ്യയന വർഷത്തിൽ പഠന പഠ്യേതര വിഷയങ്ങളിൽ ഏറ്റവും മികച്ച മുന്നേറ്റം കാഴ്ച വെച്ച സുഹൈൽ ചേളന്നൂർ, ഇയാസ് പടനിലം എന്നീ വിദ്യാർത്ഥികൾക്ക് യഥാക്രമം സി ഉസ്താദ് മെമ്മോറിയൽ അവാർഡും പി പി ഉസ്താദ് മെമ്മോറിയർ അവാർഡും ദർസ് പഠനത്തോടൊപ്പം എസ് എസ് എൽ സി പരീക്ഷയിൽ മുഴുവൻ വിഷയങ്ങളിലും എ പ്ലസ് വാങ്ങിയ റസീൻ കൽത്തറക്കുള്ള പ്രെത്യേക ഉപഹാരവും സമ്മാനിച്ചു. വിവിധ വിദ്യാഭ്യാസ കാരുണ്യ പ്രവർത്തങ്ങൾക്ക് ചുക്കാൻ പിടിക്കുന്ന ഐഡിയൽ ഗ്രൂപ്പ് ഫോർ എഡ്യൂക്കേഷൻ ആൻഡ് ചാരിറ്റിയുടെ പുതിയ ലോഗോ പ്രകാശനവും ചടങ്ങിൽ നടന്നു.
0 അഭിപ്രായങ്ങള്