എസ് എഫ് ഐ നേതാവ് ലോറിയിടിച്ച് മരിച്ചു;:
08-07-2024
കൊട്ടാരക്കര: എസ്.എഫ്.ഐ നേതാവായ യുവതി ലോറിയിടിച്ച് മരിച്ചു. പുത്തൂർ വല്ലഭൻകര പ്രകാശ് മന്ദിരത്തിൽ പ്രകാശിന്റെ ഏക മകൾ അനഘ പ്രകാശാ(24)ണ് മരിച്ചത്. എസ് എഫ് ഐ കൊല്ലം ജില്ലാ കമ്മിറ്റിയംഗമായ അനഘ ബിഎഡ് വിദ്യാർത്ഥിനിയായിരുന്നു. തിങ്കളാഴ്ച ഉച്ചയ്ക്ക് 12.30-ഓടെ കൊട്ടാരക്കര-പുത്തൂർ റോഡിൽ കോട്ടാത്തല സരിഗ ജങ്ഷനിലായിരുന്നു അപകടം.
ബി.എഡ്.വിദ്യാർഥിനിയായ അനഘ വെണ്ടാർ ശ്രീവിദ്യാധിരാജ സ്കൂളിൽ അധ്യാപന പരിശീലനത്തിനായി പോകും വഴിയായിരുന്നു അപകടം. അനഘ സഞ്ചരിച്ചിരുന്ന സ്കൂട്ടർ എതിരേവന്ന നാഷണൽ പെർമിറ്റ് ലോറിയിൽ ഇടിക്കുകയായിരുന്നു. റോഡിൽ തെറിച്ചുവീണു ഗുരുതര പരിക്കേറ്റ അനഘയെ ഉടൻ കൊട്ടാരക്കര താലൂക്ക് ആശുപത്രിയിലെത്തിച്ചെങ്കിലും മരിച്ചു. അച്ഛൻ പ്രകാശ് വിദേശത്താണ്. അമ്മ ഗുജറാത്തിലും. കൊട്ടാരക്കരയിൽ വനിതാ ഹോസ്റ്റലിലാണ് അനഘ താമസിച്ചിരുന്നത്.
0 അഭിപ്രായങ്ങള്