എന്താണ് നിപ വൈറസ്?


ചില പ്രത്യേകതരം പഴംതീനി വവ്വാലുകളുടെ ശരീരത്തിൽ കാണപ്പെടുന്ന RNA വൈറസ് ആണ് നിപ. 1999 ൽ മലേഷ്യയിലെയും, സിംഗപ്പൂരിലെയും പന്നി വളർത്തുകാരിലായിരുന്നു ആദ്യ വൈറസ് ബാധ. നിപ വൈറസ് ശരീരത്തിലെത്തിയ എല്ലാവർക്കും രോഗം ബാധിക്കണമെന്നില്ല. ആളുടെ പ്രതിരോധശേഷി, വൈറസിന്റെ അളവ് എന്നിവ അനുസരിച്ചായിരിക്കും രോഗ ബാധ


*ലക്ഷണങ്ങൾ*


• പനി

• ചുമ

• ഛർദി

• ക്ഷീണം

• തലവേദന

• ശരീരവേദന 

• വയറുവേദന

• ബോധക്ഷയം 

• കാഴ്ച മങ്ങൽ 


*പകരുന്നതെങ്ങനെ?*


• വൈറസ് ബാധയുള്ള വവ്വാലുകളിൽ നിന്നോ, പന്നികളിൽ നിന്നോ പകരും

• മനുഷ്യരിൽ നിന്നും മനുഷ്യരിലേക്കും, മൃഗങ്ങളിൽ നിന്ന് മനുഷ്യരിലേക്കും പകരും 

• വവ്വാൽ കടിച്ച പഴങ്ങളും, വവ്വാലുകളുടെ കാഷ്ടം കലർന്ന വെള്ളവും രോഗം വരുത്തും


*പ്രതിരോധം*


• മാസ്ക് ഉപയോഗിക്കുക 

• കൈ നന്നായി സോപ്പ് / ഹാൻഡ്‌വാഷ് ഉപയോഗിച്ചു കഴുകുക 

• പഴങ്ങളും, പച്ചക്കറികളും നന്നായി കഴുകി ഉപയോഗിക്കുക

• പക്ഷികളോ, മൃഗങ്ങളോ കടിച്ചവ പൂർണമായും ഒഴിവാക്കുക 

• തിളപ്പിച്ചാറിയ വെള്ളവും, ചൂടുള്ള ഭക്ഷണവും മാത്രം കഴിക്കുക 

• കിണറുകളിലും, ടാങ്കുകളിലും വല സ്ഥാപിക്കുക