2025 April 15 വരെ സമയം! ഇല്ലെങ്കിൽ കനത്ത പിഴ; പോസ്റ്റുകളിലെ ബോര്ഡുകളും പോസ്റ്ററുകളും നീക്കണമെന്ന് കെ.എസ്.ഇ.ബി:-
വൈദ്യുതി പോസ്റ്റുകളില് പരസ്യ ബോര്ഡുകള്, പോസ്റ്ററുകള് എന്നിവ സ്ഥാപിക്കുന്നത് നിരോധിച്ച് ഹൈക്കോടതിയുടെ ഉത്തരവ് നിലവിലുണ്ട്. ഊര്ജ്ജ വകുപ്പ് അഡീഷണല് ചീഫ് സെക്രട്ടറിയുടെ അദ്ധ്യക്ഷതയില് ചേര്ന്ന യോഗത്തില് വൈദ്യുതി പോസ്റ്റുകളില് സ്ഥാപിച്ചിരിക്കുന്ന പരസ്യ ബോര്ഡുകള് സ്ഥാപിച്ചവര് അടിയന്തരമായി നീക്കം ചെയ്യണമെന്നും അല്ലാത്തപക്ഷം അവരില് നിന്നും പിഴ ഈടാക്കണമെന്നും തീരുമാനിച്ചിട്ടുണ്ട്.
ഏപ്രില് മാസം 15-ന് മുമ്പായി വൈദ്യുതി പോസ്റ്റുകളില് സ്ഥാപിച്ചിട്ടുള്ള പരസ്യ ബോര്ഡുകള് സ്ഥാപിച്ചവര് തന്നെ മാറ്റേണ്ടതാണെന്നും അല്ലാത്തപക്ഷം കെ.എസ്.ഇ.ബി.എല് ഇവ മാറ്റുകയും ആയതിന് വേണ്ടി വരുന്ന ചെലവ് പരസ്യ ബോര്ഡ് സ്ഥാപിച്ചവരില് നിന്നും ഈടാക്കുന്നതുമാണെന്നും അറിയിക്കുന്നു. ഇത്തരത്തില് പരസ്യ ബോര്ഡുകള് മാറ്റുന്നതിന് ചെലവായ തുക ഈടാക്കുന്നതിനായി അറിയിപ്പ് നല്കി 15 ദിവസത്തിനു മുമ്പായി തുക അടച്ചില്ലെങ്കില് 12 ശതമാനം പലിശ കൂടി നല്കേണ്ടി വരുമെന്നും കെ.എസ്.ഇ.ബി. അറിയിച്ചു.
0 അഭിപ്രായങ്ങള്