.
തേങ്ങ പറിക്കുന്നതിനിടെ ഇരുമ്പ് തോട്ടി വൈദ്യുതി ലൈനിൽ തട്ടി അപകടം; ദമ്പതികള്ക്ക് ഷോക്കേറ്റു
:-
09-08-2025
മലപ്പുറം: തേങ്ങ പറിക്കുന്നതിനിടെ ഇരുമ്പ് തോട്ടി വൈദ്യുതി ലൈനിൽ തട്ടി ഭാര്യയ്ക്കും ഭർത്താവിനും ഷോക്കേറ്റു. മലപ്പുറം ചേളാരിയിൽ ആയിരുന്നു സംഭവം. ചേളങ്ങാരി ആലുങ്ങൽ സ്വദേശി വേലായുധൻ, ഭാര്യ ശാന്ത എന്നിവർക്കാണ് ഷോക്കേറ്റത്. ദമ്പതികളെ ആശുപത്രിയിൽ പ്രവേശിപ്പിച്ചു.
വീടിനു സമീപത്തുള്ള തെങ്ങിൽ നിന്ന് തേങ്ങ ഇടാനുള്ള ശ്രമത്തിനിടെയായിരുന്നു അപകടം. ഇരുമ്പു തോട്ടി ഉപയോഗിച്ച് തെങ്ങിൽ നിന്ന് തേങ്ങ പറിക്കാൻ ശ്രമിക്കുന്നതിനിടെ ബാലന്സ് തെറ്റി തോട്ടി വൈദ്യുതി ലൈനിൽ തട്ടി. ഇതോടെ തേങ്ങ പറിച്ചുകൊണ്ടിരുന്ന വേലായുധന് ഷോക്കേൽക്കുകയായിരുന്നു. ഇത് കണ്ട് ഭര്ത്താവിനെ രക്ഷിക്കാൻ ശ്രമിച്ച ശാന്തക്കും വൈദ്യുതാഘാതമേറ്റു. ഇരുവരെയും കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്,
0 അഭിപ്രായങ്ങള്