സംസ്ഥാനത്തെ തദ്ദേശ തിരഞ്ഞെടുപ്പ് നവംബര്, ഡിസംബര് മാസങ്ങളില് നടക്കും; വോട്ടര് പട്ടിക ഒരിക്കല് കൂടി പുതുക്കും: -
:23-09-2025
തിരുവനന്തപുരം; സംസ്ഥാനത്ത് നവംബര്, ഡിസംബര് മാസങ്ങളില് തദ്ദേശ തെരഞ്ഞെടുപ്പ് നടക്കും. ഇതിന്റെ ഭാഗമായി വോട്ടര്പട്ടിക ഒരിക്കല് കൂടി പുതുക്കുമെന്ന് സംസ്ഥാന തിരഞ്ഞെടുപ്പ് കമ്മിഷന് വ്യക്തമാക്കി. ഡിസംബര് 20ന് മുന്പ് തിരഞ്ഞെടുപ്പ് പ്രകിയ പൂര്ത്തിയാകുന്ന തരത്തിലാണ് നടപടിക്രമങ്ങള് നടക്കുന്നത്.
തിരഞ്ഞെടുപ്പുമായി ബന്ധപ്പെട്ടുള്ള കാര്യങ്ങൾ മുഖ്യതിരഞ്ഞെടുപ്പ് ഓഫീസർ രത്തൻ യു ഖേൽക്കറും സംസ്ഥാന തിരഞ്ഞെടുപ്പ് കമ്മിഷണർ എ ഷാജഹാനും ചർച്ച നടത്തി. കേരളത്തിലെ തീവ്രവോട്ടർ പട്ടിക പരിഷ്കരണം (എസ് ഐ ആർ) തദ്ദേശ തിരഞ്ഞെടുപ്പ് കഴിയുന്നതുവരെ നീട്ടണമെന്നാവശ്യപ്പെട്ട് മുഖ്യ തിരഞ്ഞെടുപ്പ് ഓഫീസർ കേന്ദ്രതിരഞ്ഞെടുപ്പ് കമ്മിഷന് കത്തയച്ചിട്ടുണ്ട്. എസ്.ഐ.ആറും തദ്ദേശ തിരഞ്ഞെടുപ്പും നടക്കുന്നത് ഒരേ അവസരത്തിലാണ്. രണ്ടും ചെയ്യേണ്ടത് ഒരേ ഉദ്യോഗസ്ഥരാണ്. ഇക്കാര്യം തിരഞ്ഞെടുപ്പ് കമ്മീഷനെ അറിയിച്ചിട്ടുണ്ട്. തിരഞ്ഞെടുപ്പ് കമ്മീഷന് ഉചിതമായ തീരുമാനമെടുക്കുമെന്നും ഷാജഹാൻ പറഞ്ഞു.
0 അഭിപ്രായങ്ങള്