പറവകൾക്കായി നീർക്കുടം പദ്ധതി ഉദ്ഘാടനം ചെയ്തു.
നരിക്കുനി: -എരവന്നൂർ എ യു പി സ്കൂളിന്റെ നൂറാം വാർഷികം പൊലിമ 2021 ൻ്റെ ഭാഗമായി സംഘടിപ്പിച്ച പറവകൾക്കായി നീർക്കുടം " ദാഹനീർ" പദ്ധതി പ്രമുഖ പരിസ്ഥിതി പ്രവർത്തകൻ പ്രൊഫ. ടി. ശോഭീന്ദ്രൻ മാസ്റ്റർ നീർക്കുടം ഒരുക്കി ഉദ്ഘാടന കർമ്മം നിർവഹിച്ചു. മനുഷ്യൻ പ്രകൃതിയിലേക്ക് തിരിച്ചു നടക്കേണ്ടതിന്റെ ആവശ്യകതയിലേക്ക് സൂചനകൾ നൽകി ആദ്ദേഹം സംസാരിച്ചു. വിദ്യാലയത്തിലെ മുഴുവൻ വിദ്യാർഥികളും പദ്ധതി ഏറ്റെടുക്കുന്നതിലൂടെ 500 വീടുകളിൽ നീർക്കുടം ഒരുക്കപ്പെടുകയാണ്. മുൻ അധ്യാപകൻ വേണുഗോപാലൻ മാസ്റ്റർ ആതിഥേയത്വം വഹിച്ച ചടങ്ങിൽ പി.ടി.എ പ്രസിഡൻറ് സലാം അധ്യക്ഷത വഹിച്ചു. ശതാബ്ദി ആഘോഷ കമ്മിറ്റി ചെയർമാൻ പവിത്രൻ,എം.പി.ടി.എ ചെയർപേഴ്സൺ സൽമ, ഉമ്മർ തുടങ്ങിയവർ സംസാരിച്ചു. ചടങ്ങിന് സ്നേഹലത ടീച്ചർ സ്വാഗതവും ,അൻശിദ് നന്ദിയും പറഞ്ഞു.
0 അഭിപ്രായങ്ങള്