_പ്ലസ് വൺ പ്രവേശനം: അലോട്ട്മെൻറ് ലഭിക്കാത്തവർ അപേക്ഷ പുതുക്കി നൽകണം_
26-10-20 21
തിരുവനന്തപുരം : പ്ലസ് വൺ ഏകജാലക പ്രവേശനത്തിൽ ആദ്യ സപ്ലിമെന്ററി അലോട്ട് മെന്റിനുള്ള വിജ്ഞാപനം ചൊവ്വാഴ്ച പ്രസിദ്ധീകരിക്കും . ഈ മാസം 28 വരെ അപേക്ഷകൾ സമർപ്പിക്കാം . നേരത്തേ അപേക്ഷിച്ചിട്ടും അലോട്ട്മെന്റ് ലഭിക്കാത്തവർ അപേക്ഷകൾ പുതുക്കി നൽകണം . നേരത്തേ അപേക്ഷിക്കാത്തവരും, പിഴവ് കാരണം പ്രവേശനം / അപേക്ഷ നിരസിക്കപ്പെട്ടവരും പുതിയ അപേക്ഷ സമർപ്പിക്കണം .
നവംബർ ഒന്നിന് അലോട്ട്മെന്റ് പ്രസിദ്ധീകരിക്കും . രണ്ടാം അലോട്ട്മെന്റ് പ്രകാരമുള്ള പ്രവേശനം പൂർത്തിയായപ്പോൾ 37,545 സീറ്റുകളാണ് മെറിറ്റ് , സ്പോർട്സ് ക്വോട്ടയിൽ ഒഴിവുള്ളത് . ഇതിന് പുറമെ സപ്ലിമെന്ററി ഘട്ടത്തിനുശേഷം കമ്യൂണിറ്റി ക്വോട്ടയിൽ ഒഴിവുള്ള 2500 ഓളം സീറ്റുകൾ കൂടി മെറിറ്റിലേക്ക് മാറ്റും .
ഈ സീറ്റുകളിലേക്കായിരിക്കും സപ്ലിമെന്ററി അലോട്ട്മെൻറ് . അതേസമയം , സപ്ലിമെന്ററി അലോട്ട്മെന്റിന് മുമ്പ് വിഷയ കോംബിനേഷൻ , സ്കൂൾ ട്രാൻസ്ഫർ അനുവദിക്കണമെന്ന ആവശ്യവും ഉയർന്നിട്ടുണ്ട് . നിലവിൽ ഇഷ്ട സ്കൂളോ കോംബിനേഷനോ ലഭിക്കാതെ പ്രവേശനം നേടിയ വിദ്യാർഥികൾക്ക് ഒഴിവുള്ള സീറ്റുകളിലേക്ക് മാറാൻ അവസരം നൽകണമെന്നാണ് ആവശ്യം .
എന്നാൽ , എ പ്ലസ് ലഭിച്ച 5000 ൽ പരം വിദ്യാർഥികൾ പുറത്തുനിൽക്കുന്നതുകൂടി പരിഗണിച്ച് സപ്ലിമെന്ററി അലോട്ട്മെന്റിനുശേഷം കോംബിനേഷൻ , സ്കൂൾ ട്രാൻസ്ഫർ മതിയെന്നാണ് വിദ്യാഭ്യാസ വകുപ്പിന്റെ നിലപാട് . മന്ത്രി നിയമസഭയിൽ പ്രഖ്യാപിച്ച സീറ്റ് വർധന നടപ്പാക്കുന്നതോടെ അടുത്ത ഘട്ടത്തിൽ ട്രാൻസ്ഫറിന് സാധ്യത വർധിക്കുമെന്നും അധികൃതർ പറയന്നു
0 അഭിപ്രായങ്ങള്