വാടക വീട്ടിൽ നിന്നും ഒരു കിലോയിലധികം കഞ്ചാവും ഒരു ലക്ഷത്തിലധികം രൂപയും പിടികൂടി :-
ഇയ്യാട് :-ഇയ്യാട്ടെ വീട്ടിൽ നിന്നും ഒരു കിലോയിലധികം കഞ്ചാവും ഒരു ലക്ഷത്തിലധികം രൂപയും പിടികൂടി. ഒരു കിലോ അറുനൂറ്റി അൻപത് ഗ്രാം കഞ്ചാവും, ഒരുലക്ഷത്തിഏഴായിരം രൂപയുമാണ് പിടികൂടിയത്. നരിക്കുനി മനയിൽ തൊടുകയ്യിൽ അബ്ദുൾഖാദറുടെ മകൻ മുഹമ്മദ് ഷാഫി(30 ) എന്ന യുവാവാണ് പിടിയിലായത്.
ഇയാൾ ഇയ്യാട് വാടകയ്ക്ക് താമസിക്കുന്ന നീലഞ്ചേരി എന്ന വീട്ടിൽ നിന്നാണ് കഞ്ചാവ് പിടികൂടിയത്. 6/2/22 രാവിലെ പത്തു മണിയോടെയാണ് പ്രതിയെ പിടികൂടിയത്.
രഹസ്യ വിവരം ലഭിച്ചതിനെത്തുടർന്ന് ബാലുശ്ശേരി സബ് ഇൻസ്പെക്ടർ റഫീഖ് പി, സി.ഐ ഇൻചാർജ് രഞ്ജിത്ത് പി, എസ് ഐ സുരേഷ് ബാബു, എ.എസ്. ഐ മുഹമ്മദ് എന്നിവർ ചേർന്നാണ് പ്രതിയെ പിടികൂടിയത്. പ്രതിയെ കോടതിയിൽ ഹാജരാക്കുകയും, റിമാൻഡ് ചെയ്യുകയും ചെയ്തു.
0 അഭിപ്രായങ്ങള്