റിഫയുടെ മരണം; പോസ്റ്റ്മോര്ട്ടം ശനിയാഴ്ച
:05.05.2022
കാക്കൂർ: മലയാളി വ്ളോഗർ റിഫ മെഹ്നുവിന്റെ മൃതദേഹം ശനിയാഴ്ച പുറത്തെടുത്ത് പോസ്റ്റ്മോര്ട്ടം നടത്തും. തഹസില്ദാരുടെ സാന്നിധ്യത്തില് കോഴിക്കോട് മെഡിക്കൽ കോളേജ് ആശുപത്രിയിലാണ് പോസ്റ്റ്മോര്ട്ടം നടത്തുക. മരണത്തിലെ ദുരൂഹത നീക്കാന് നടപടി ആവശ്യപ്പെട്ട് ബന്ധുക്കള് രം?ഗത്തെത്തിയ സാഹചര്യത്തിലാണ് പോസ്റ്റ്മോര്ട്ടം നടത്തുന്നത്. മൃതദേഹം പുറത്തെടുത്ത് പോസ്റ്റ്മോര്ട്ടം നടത്താന് അനുമതി വേണമെന്ന അന്വേഷണസംഘത്തിന്റെ ആവശ്യം ആര്ഡിഒ കഴിഞ്ഞ ദിവസം അംഗീകരിച്ചിരുന്നു.
അന്വേഷണ ഉദ്യോഗസ്ഥനായ താമരശ്ശേരി ഡിവൈഎസ്പിയാണ് അപേക്ഷ നല്കിയത്. റിഫയുടെ വീടിന് സമീപത്തെ പള്ളി കബറിസ്ഥാനിലാണ് മൃതദേഹം സംസ്കരിച്ചിരുന്നത്. പോസ്റ്റ്മോര്ട്ടത്തിലെ കണ്ടെത്തല് കേസന്വേഷണത്തില് നിര്ണായകമാണ്. റിഫയുടെ ബന്ധുക്കളുടെ മൊഴി രേഖപ്പെടുത്തിയ അന്വേഷണ സംഘം കഴിഞ്ഞ ദിവസം മെഹനാസിന്റെ രണ്ട് സുഹൃത്തുക്കളെ ചോദ്യം ചെയ്തിരുന്നു. പോസ്റ്റ് മോര്ട്ടം നടത്തിയില്ലെന്ന വിവരം മറച്ചുവച്ചെന്ന് ബന്ധുക്കള് നേരത്തെ പരാതിപ്പെട്ടിരുന്നു,
0 അഭിപ്രായങ്ങള്