ഹൃദയങ്ങൾ ഏറ്റെടുത്തു നരിക്കുനി ഫെസ്റ്റ് :-

നരിക്കുനി: ജനങ്ങളുടെ ഉത്സവമാക്കിയെടുത്ത നരിക്കുനി ഫെസ്റ്റ് എട്ടാം ദിനം ജനപങ്കാളിത്തത്തോടുകൂടി മുന്നേറുന്നു, ആഘോഷത്തിന് ഓരോ ദിനം പിന്നിടുമ്പോഴും വിജയഗാഥ രചിച്ചുകൊണ്ടാണ് നരിക്കുനി ഫെസ്റ്റ് മുന്നേറുന്നത്., സാംസ്കാരിക സദസ്സ് ഉദ്ഘാടനം ഷിഹാന രാരപ്പക്കണ്ടി (ചേളന്നൂർ ബ്ലോക്ക് പഞ്ചായത്ത്  വൈസ് പ്രസിഡണ്ട് ) ഉൽഘാടനം ചെയ്തു ,മൊയ്തി നെരോത്ത് (വാർഡ് മെമ്പർ) അദ്ധ്യക്ഷനായിരുന്നു , ബിൽഡിംഗ് ഓണർ അസോസിയേഷൻ ട്രഷറർ ഓ.മുഹമ്മദ് , ഫസൽ പാലക്കാട്, അരുൺ പ്രസാദ് എന്നിവർ സംസാരിച്ചു., തുടർന്നു  കലാസന്ധ്യ അരങ്ങേറി, തുടർന്നുള്ള ദിവസങ്ങളിലായി സുരഭി ലക്ഷ്മിയും വിനോദ് കോവൂരും അവതരിപ്പിക്കുന്ന സ്റ്റേജ് ഷോ,  ചലച്ചിത്ര പിന്നണി ഗായിക ദുർഗ വിശ്വനാഥിന്റെയും കലാഭവൻ പ്രദീഷിന്റെയും ഗാനമേള, നാടൻ പാട്ടുകൾ,  കണ്ണൂർ ഷരീഫിന്റെ ഗാനമേള, കലാമണ്ഡലം  സത്യവ്രതന്റെ ഡാൻസ് ഫ്യൂഷൻ, മാജിക് ഷോ, കരോക്കെ ഗാനമേള, മാർഗംകളി, ഗ്രൂപ്പ് ഡാൻസ്, ചവിട്ട് നാടകം, ചാക്യാർകൂത്ത് തുടങ്ങിയ വിവിധതരങ്ങളും വ്യത്യസ്തങ്ങളുമായ കലാസാംസ്കാരിക പരിപാടികളും ഉണ്ടായിരിക്കും.

നൃത്തനൃത്യങ്ങൾ, ഒപ്പന, കരാട്ടെ പ്രദർശനം, കളരിപ്പയറ്റ്, മറ്റ് പ്രാദേശിക കലാപരിപാടികൾ എന്നിവ അവതരിപ്പിക്കും.  കുട്ടികൾക്കും  മുതിർന്നവർക്കും ഒരേ പോലെ ആകർഷകമായ , ഡ്രാഗൺ ട്രെയിൻ, ജമ്പിങ് മാട്രസ്,  ചിൽഡ്രൻസ് ബലൂൺ,  സെൽഫി കോർണർ, ഫ്ലവർ ഷോ, പെറ്റ് ഷോ,  ചിൽഡ്രൻസ് പാർക്ക്, വിവിധ റൈഡുകൾ എന്നിവ  ഉണ്ടാകും. വിപുലമായ അക്വേറിയവും കാണികൾക്കായി ഒരുങ്ങി

വാണിജ്യപ്രദർശനങ്ങളും പവലിയനിൽ ഉണ്ടാകും.