സംസ്ഥാനത്ത് ഡോക്ടർമാരുടെ സമരം തുടങ്ങി; നരിക്കുനിയിൽ ഒപി യെ ബാധിച്ചിട്ടില്ല :-
▂▂▂▂▂▂▂▂▂▂▂▂▂▂▂▂
ആരോഗ്യപ്രവർത്തകർക്കെതിരായ ആക്രമണങ്ങളിൽ പ്രതിഷേധിച്ച് ഐഎംഎയുടെ നേതൃത്വത്തിൽ ഇന്ന് സംസ്ഥാനവ്യാപക പണിമുടക്ക്. കെജിഎംഒഎ ഉൾപ്പടെ 30ഓളം ഡോക്ടർമാരുടെ സംഘടനകളും പണിമുടക്കിന് പിന്തുണ പ്രഖ്യാപിച്ചിട്ടുണ്ട്. സംസ്ഥാന വ്യാപകമായി ഇന്ന് സർക്കാർ, സ്വകാര്യ ആശുപത്രികളുടെ പ്രവർത്തനം തടസ്സപ്പെടും. രാവിലെ ആറ് മണി മുതൽ വൈകീട്ട് ആറ് വരെയാണ് സമരം.
സംസ്ഥാനത്തെ വിവിധ മെഡിക്കൽ കോളേജുകളിൽ ഇപ്പോഴേ രോഗികളുടെ നീണ്ട നിരയുണ്ട്. അത്യാവശ്യക്കാരായ രോഗികൾക്ക് ഒപി ടിക്കറ്റ് നൽകുന്നുണ്ട്. നരിക്കുനി ഗവ: ആശുപത്രിയിൽ സമരം അറിയാതെ എത്തിയ രോഗികൾ സാധാരണ പോലെ ഡോക്ടറെ കാണിച്ചു മടങ്ങി. എന്നാൽ അത്യാവശ്യമുള്ള രോഗകളെ കാഷ്വാലിറ്റിയിൽ പ്രവേശിപ്പിക്കുന്നുണ്ടെന്നും ബാക്കിയുള്ള രോഗികളെ കാര്യം പറഞ്ഞുമനസ്സിലാക്കുന്നുണ്ടെന്നുമാണ് ഡോക്ടർമാർ പറയുന്നത്. അഡ്മിറ്റ് ചെയ്യുന്നതും ,സ്ഥിര ഡോക്ടർമാർ രോഗികളെ പരിശോധിക്കുന്നതും നരിക്കുനി ഗവ.ആശുപത്രിയിൽ കുറവാണ് ,എൻ ആർ എച്ച് എം ഡോക്ടർമാരുള്ളത് കൊണ്ടാണ് ആശുപത്രി നേരെ ചൊവ്വേ നടന്നു പോവുന്നത് ,.
0 അഭിപ്രായങ്ങള്