പോലീസിന് നേരെ ആക്രമണം: പതിമംഗലം സ്വദേശി അറസ്റ്റിൽ:-
03.08.2025
പടനിലം : പോലീസിനെ ആക്രമിച്ച പ്രതി അറസ്റ്റിൽ. പതിമംഗലം സ്വദേശി പി.കെ ബുജൈറിനെയാണ് കുന്ദമംഗലം പോലീസ് സബ് ഇൻസ്പെക്ടർ നിധിനും സംഘവും അറസ്റ്റ് ചെയ്തത്. ഇയാൾ ലഹരി ഇടപാട് നടത്തുന്നുണ്ടെന്ന രഹസ്യ വിവരത്തെ തുടർന്ന് ചൂലാംവയൽ ആമ്പ്രമ്മൽ ബസ് കാത്തിരിപ്പ് കേന്ദ്രത്തിൽ വെച്ച് ഇയാളെ തടഞ്ഞുവെച്ച് ചോദ്യം ചെയ്യുന്നതിനിടെ പോലീസിനെ ആക്രമിക്കുകയായിരുന്നു. ആക്രമണത്തിൽ കുന്ദമംഗലം പോലീസ് സ്റ്റേഷനിലെ സി.പി.ഒ ശ്രീജിത്തിന് പരിക്കേറ്റു.
ആമ്പ്രമ്മൽ സ്വദേശി റിയാസുമായി ഇയാൾ സ്ഥിരമായി ലഹരി ഇടപാട് നടത്തുന്നതായി പോലീസിന് വിവരം ലഭിച്ചിരുന്നതായി കുന്ദമംഗലം പോലീസ് പറഞ്ഞു. റിയാസിനെ പോലീസ് കസ്റ്റഡിയിലെടുത്തു വിട്ടയച്ചു. ഇയാളിൽ നിന്ന് മയക്കുമരുന്ന് ലഭിക്കാത്തതിനാൽ ഇയാളെ നോട്ടീസ് നൽകി വിട്ടയച്ചു. ബുജൈറിൻ്റെ കൈയിൽ നിന്ന് മയക്കുമരുന്ന് ഉപയോഗിക്കാനുള്ള ഉപകരണങ്ങൾ പോലീസ് കണ്ടെത്തിയിട്ടുണ്ട്. പോലീസിനെ ആക്രമിച്ചതിനാണ് ഇയാൾക്കെതിരെ കേസ്സെടുത്തത്.
0 അഭിപ്രായങ്ങള്