ചേളന്നൂർ ബ്ലോക്ക് പഞ്ചായത്ത് ഭിന്നശേഷി കലോത്സവം ആഘോഷിച്ചു, ചേളന്നൂർ ബ്ലോക്ക് പഞ്ചായത്ത് വാർഷിക പദ്ധതിയിൽ ഉൾപ്പെടുത്തി നടപ്പിലാക്കിയ ഭിന്നശേഷി കലോത്സവം കരുതൽ 2025 കാക്കൂർ മിനിസ്റ്റേഡിയത്തിൽ വെച്ച് ബ്ലോക്ക് പഞ്ചായത്ത് വൈസ് പ്രസിഡന്റ് ഷിഹാന രാരപ്പൻകണ്ടിയുടെ അധ്യക്ഷതയിൽ നെടിയനാട് യുപി സ്കൂൾ അദ്ധ്യാപകൻ യാസർ മാസ്റ്റർ ഉദ്ഘാടനം നിർവഹിച്ചു. കാക്കൂർ ഗ്രാമപഞ്ചായത്ത് പ്രസിഡന്റ് സിഎം ഷാജി മുഖ്യാതിഥി ആയി പങ്കെടുത്തു. ബിലാസ്പൂരിൽ നടന്ന സ്പെഷ്യൽ ഒളിമ്പിക്സിൽ ഗോൾഡ് മെഡൽ നേടിയ ദിൽന ശശികുമാറിനെ ആദരിച്ചു .ബ്ലോക്ക് പഞ്ചായത്ത് ആരോഗ്യസ്റ്റാന്റിംഗ് കമ്മിറ്റി ചെയർമാൻ സർജാസ് കൂനിയിൽ . കാക്കൂർ ഗ്രാമപഞ്ചായത്ത് വൈസ് പ്രസിഡന്റ് നിഷ മണങ്ങാട്ട്, സ്ഥിരം സമിതി അധ്യക്ഷന്മാരായ അബ്ദുൾ ഗഫൂർ , ജുന. ബ്ലോക്ക് പഞ്ചായത്ത് മെമ്പർമാരായ മോഹനൻ വേലങ്കണ്ടി , ഷീന ചെറുവത്ത് , ഗീത , ജോസ്ന , ഐഷാബി തുടങ്ങിയവർ ആശംസകൾ അറിയിച്ചു സംസാരിച്ചു . ബ്ലോക്ക് പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ സുജഅശോകൻ സ്വാഗതവും ബ്ലോക്ക് ചൈൽഡ് ഡെവലപ്മെന്റ് ഓഫീസർ ഷീജ നന്ദിയും പറഞ്ഞു
0 അഭിപ്രായങ്ങള്