ഓടിക്കൊണ്ടിരുന്ന കാറിനു തീപിടിച്ച് ഗര്ഭിണിയായ യുവതി മരിച്ചു :-
15.05.2026
ഓടിക്കൊണ്ടിരുന്ന കാറിനു തീപിടിച്ച് ഗര്ഭിണിയായ യുവതി മരിച്ചു. കാര് വെട്ടിപ്പൊളിച്ചാണ് ദമ്പതികളെ കാറില് നിന്നു പുറത്തെടുത്തത്. കോഴിക്കോട് ചെറുവണ്ണൂരിലാണ് ഇന്ന് രാത്രി ഒമ്പതു മണിയോടെ അപകടമുണ്ടായത്.
കക്കറ മുക്ക് സ്വദേശിനി സോനയാണ് മരിച്ചത്. ഗര്ഭിണിയെ ഡോക്ടറെ കാണിച്ചു തിരിച്ചു വരുമ്പോഴാണ് ഓടിക്കൊണ്ടിരിക്കെ കാറിനു തീ പിടിച്ചത്. കാറില് കുടുങ്ങിപ്പോയ ഇരുവര്ക്കും രക്ഷപ്പെടാനായില്ല.
പരിക്കേറ്റ ഭര്ത്താവിനെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചു. കൂടുതല് വിവരങ്ങള് ലഭ്യമായിട്ടില്ല. കാറിനു തീ പിടിച്ചപ്പോള് സമീപ വാസികളാണ് രക്ഷാ പ്രവര്ത്തനം നടത്തിയത്.
0 അഭിപ്രായങ്ങള്